Kuvendi komunal miratoi në seancën e djeshme buxhetin për vitin e ardhshëm, me shumicë votash të këshilltarëve të pranishëm.
Pjesa më e madhe e mjeteve është ndarë për investime kapitale në infrastrukturë rrugore, ujësjellës dhe kanalizim, ndërsa rritje të konsiderueshme kanë marrë edhe sektorët e arsimit dhe shëndetësisë.
Opozita kërkoi më shumë transparencë në procesin e prokurimit dhe propozoi krijimin e një portali publik ku qytetarët të ndjekin shpenzimet në kohë reale.




